የቅዱስ ሚካኤል ክብረ በዓል በድምቀት ተከበረ
by ግንኙነት ክፍል
በኢትዮጵያ እና በኤርትራ ኦርቶዶክስ ተዋሕዶ እምነት ተከታዮች ዘንድ በየዓመቱ ሕዳር 12 ቀን የሚከበረው የቅዱስ ሚካኤል ክብረ በዓል ከትላንት በስትያ ከሄልሲንኪ ከተማ ተጉዘው በቦታው በተገኙ ኢትዮጵያውናን እና ኤርትራውናን ሕዳር 9 ቀን 2010 ዓ.ም በፊላንድ በድምቀት ተክብሯል።
ከፊላንድ ዋና ከተማ ሄልሲንኪ 150 ኪ.ሜ ርቀት ላይ በምትገኘው በቱርኩ ከተማ በሰማዕቱ በቅዱስ አሌክሳንደር የፊላንድ ኦርቶዶክስ ቤተ ክርስቲያን ከማላዳው ጀምሮ በቅዳሴ የተጀመረው የቅዱስ ሚካኤል ክብረ በዓል ቀኑን ሙሉ የተለያዩ መንፈሳዊ መዝሙሮች እና ትምህርቶች ቀርበውበታል ።
በፊላንድ የኢትዮጵያ ኦርቶዶክስ ተዋሕዶ ቤተክርስቲያን ደብረ አሚን አቡነ ተክለሃይማኖት ቤተ ክርስቲያን አስተዳዳሪ መጋቤ ብሉይ ቀሲስ ለማ በሱፍቃድ የወንጌል ትምህርት ሰጥተዋል።የደብረ አሚን አቡነ ተክለሃይማኖት ቤተ ክርስቲያን የሰንበት ት/ቤት የሕፃናት ክፍል መዝሙሮች እና ትምህርታዊ ጽሑፎችን ሲያቀርቡ ዓበይት መዘምራንም ለዕለቱ ያዘጋጁትን ወረብ አቅርበዋል ።
በማያያዝም በኢትዮጵያ እና በኤርትራ ኦርቶዶክስ ተዋሕዶ ዲያቆናት እና ወንድሞች ለሕዝበ ክርስቲያኑ ቃለ እግዚአብሔርና ምክር ተሰጥቶ የበዓሉ ፍጻሜ ሆኖአል።
የቅዱስ ሚካኤል በዓል Nov 2017
Recommended Posts
ማኅሌተ ጽጌ ወደ ፊንላንድኛ ቋንቋ ተተርጉሞ ተመረቀ
October 04, 2023
ሀገረ ስብከቱ የ2015 በጀት ዓመት አፈጻጸም ጠቅላላ ጉባኤውን አጠናቀቀ
September 03, 2023
በፊንላንድ ሀገር የሄልሲንኪ ደብረ አሚን አቡነ ተክለ ሃይማኖት አዲስ ሕንጻ ቤተክርስቲያን ቡራኬ ተከናወነ !
September 03, 2023