ቤተ ክርስቲያኗ ልጆቿ ምእመናን ያሉበትን ሁኔታ የሚከታተል ኮሚቴ ማዋቀሯ ተገለጠ
![ቤተ ክርስቲያኗ ልጆቿ ምእመናን ያሉበትን ሁኔታ የሚከታተል ኮሚቴ ማዋቀሯ ተገለጠ](http://www.teklehaymanot.fi/wp-content/uploads/2019/01/ወላጆች-የህጻናቱን-ዝግጅት-ሲታደሙ-.jpg)
by ግንኙነት ክፍል
በስዊድንና እስካንድናቪያን ሀገሮች ሀገረ ስብከት በፊንላንድ የሄልሲንኪ ደብረ አሚን አቡነ ተክለሃይማኖት ቤተ ክርስቲያን ዓለምን እያስጨነቀ የሚገኘው በኮረና ቫይረስ እየቀጠፈ ያለው ሕዝብ በዝርወት ከሚከኙት መካከል ኢትዮጵያውያንና ትውልደ ኢትዮጵያ ተጠቃሾች መሆናቸው የሚታወቅ በመሆኑ የሄልሲንኪ ደብረ አሚን አቡነ ተክለሃይማኖት በሥሯ አገልግሎት የሚያገኙትን በመላዋ ፊንላንድ የሚገኙትን ምእመናንን ጤንነት እና አስፈላጊውን ሁሉ ድጋፍ የመረዳዳት በጎ ተግባር የሚያስተባብር ኮሚቴ ማዋቀሯን የደብሩ አስተዳዳሪ መልአከ አሚን ለማ በሱፍቃድ ገለጹ፡፡ ኮሚቴው የአጥቢያው ምእመናን በዚህ ቫይረስ ቢያዙ እንኳን አስፈላጊውን ማኅበራዊ ሥነ ልቡናዊና ተመሳሳይ እገዛዎችን ለማድረግ እንደሚያስተባብር ተጠቁሟል ፡፡ ኮሚቴው ከሄልሲንኪ ውጪ ባሉት ምእመናን ባሉባቸው ከተሞችም የመረዳዳት አገልግሎቱን ተደራሽ የሚያደርግበትን አቅጣጫም ማስቀመጡን ታውቋል፡፡ የደብሩ አስተዳዳሪ እንደገለጡት ይህንን አስጨናቂ ወቅት ምእመናን በመረዳዳት በመተሳሰብ ሆኖ ማሳለፍ አስፈላጊ መሆኑን ጠቅሰው ነገር ግን የምንኖርበትን ሀገር የጤና መመሪያ በተከተለ መልኩ እንዲሆን አሳስበዋል ፡፡በተያያዘ የደብሩ ሰበካ ጉባኤ አባላት በየ ምእመናኑ ዘንድ ስልክ እየደወሉ ጤንነታቸውን በመጠየቅ ላይ እንደሆኑም ለማወቅ ተችሏል፡፡ በመጨረሻም በደብሩ ለተቋቋመው ኮሚቴ አስፈላጊውን መረጃ በመስጠት በጋራ ይህንን አስከፊ ጊዜ እግዚአብሔርን አጋዥ በማድረግ እንድናለፈው የሁላችሁም ምእመናን መረዳዳትና መተሳሰብ አስፈጊ መሆኑን አሳስበዋል፡፡
Recommended Posts
![ማኅሌተ ጽጌ ወደ ፊንላንድኛ ቋንቋ ተተርጉሞ ተመረቀ](http://www.teklehaymanot.fi/wp-content/uploads/2023/10/DSC_5690-scaled.jpg)
ማኅሌተ ጽጌ ወደ ፊንላንድኛ ቋንቋ ተተርጉሞ ተመረቀ
October 04, 2023
![ሀገረ ስብከቱ የ2015 በጀት ዓመት አፈጻጸም ጠቅላላ ጉባኤውን አጠናቀቀ](http://www.teklehaymanot.fi/wp-content/uploads/2023/09/photo_2023-09-03_22-06-33-420x330.jpg)
ሀገረ ስብከቱ የ2015 በጀት ዓመት አፈጻጸም ጠቅላላ ጉባኤውን አጠናቀቀ
September 03, 2023
![በፊንላንድ ሀገር የሄልሲንኪ ደብረ አሚን አቡነ ተክለ ሃይማኖት አዲስ ሕንጻ ቤተክርስቲያን ቡራኬ ተከናወነ !](http://www.teklehaymanot.fi/wp-content/uploads/2023/09/DSC_5323-scaled.jpg)
በፊንላንድ ሀገር የሄልሲንኪ ደብረ አሚን አቡነ ተክለ ሃይማኖት አዲስ ሕንጻ ቤተክርስቲያን ቡራኬ ተከናወነ !
September 03, 2023